Авырый башлауны сизүгә, иң беренче, «шифа бирсен, әйбәт кенә савыгырга язсын» дип, Аллаһка ялварырга кирәк.
Бу уңайдан, сөекле Пәйгамбәребез дә ﷺ үзенең хәдисләрендә ничек итеп Аллаһтан ярдәм сорарга икәнлекне өйрәтеп калдырган. Авырып китсәк, без дә бу доганы әйтергә онытмыйк:
«Кулыңны тәнеңнең авырткан урынына куй да, өч мәртәбә:
بِسْمِ اللَّهِ
Бисмилләһ (3 тапкыр)
«Аллаһ исеме белән» дип әйт. Аннары җиде мәртәбә:
أَعُوذُ بِاللَّهِ وَقُدْرَتِهِ مِنْ شَرِّ مَا أَجِدُ وَأُحَاذِرُ
Әгүҙү билләһи үә кудратиһи мин шәрри мә әҗидү үә үхәҙиру (7 тапкыр)
«Мин сизгән һәм курыккан яманлыклардан Аллаһка һәм Аның кодрәтенә сыенам», — диген» (Мөслим, 2202).
Раил Фәйзрахманов.
