Коръән иңү максаты

  • 0

Коръән иңү максаты

Рубрика :Вәгазьләр

 

Коръән иңдерелүнең өч төрле максаты бар:

  1. Коръән уку — гыйбадәт кылу.

Без намазда Коръән сүрә-аятьләрен укып, Аллаһка гыйбәдәт кылуыбыз, гомумән, аны укыганда бер хәрефе өчен ун әҗер-савап алабыз.

  1. Коръән – уйлану, фикер йөртү өчен җирлек.

Коръәнне гади китап сыман түгел, ә Раббызның  безгә ни әйтергә теләвенә төшенергә тырышып уку зарур. Мөселман: “Мин шул сүрә-аятьләр буенча яшимме?” – дип уйланырга, нәтиҗә ясарга тиеш.

  1. Коръән – вәгазь.

Укыган сүрә-аятьләрнең тирән мәгънәсен аңлагач һәм фикерләгәч, аны тормышка ашырырга кирәк. Ягъни, Аллаһ кушкан әмерләрне үтәргә, Ул тыйганнардан ерак булырга тырышырга һәм шуңа ирешергә.

Коръән укыганда менә шушы өч максатны күз алдында тотарга кирәк. Шул вакытта гына укылган һәрбер хәреф өчен ун әҗер-савап бирер Раббыбыз.


Эзләү

Көн нәсихәте

    Әти-әниеңә дога кыласынмы?

    Безнең иң кадерле кешеләребез – әти-әниләребез. Алар – бу якты дөньяга килүбезгә сәбәпчеләр. Нәни вакытыбызда, төн йокыларын калдырып, безне бакканнар. Бераз үсә төшкәч, киреләнүләребезгә сабыр итеп, безне  тиешенчә тәрбия кылганнар. Авырып китсәк, көне-төне безнең  өчен   борчылып,  яныбыздан китмичә, дәвалаганнар.  Үзләренә бик авыр булса да, «балам интекмәсен, мохтаҗлык кичермәсен, кеше арасында ким-хур булмасын»  дип, үз авызларыннан өзеп, безне ашатып-эчертеп, өс-башыбызны карап,    башка кирәк-ярак белән тәэмин итеп торганнар…

    Ата-аналарның барысы да үз баласын җил-яңгырмый тидерми кадерләп үстерә.  Балалары өчен  хәерлелек теләп, һидаят-тәүфыйк сорап,  һәрвакыт дога кылырга тырышалар.  Без дә әти-әниләребезгә һәрчак игелек кенә китерик һәм алар  өчен һәрчак изге догада булыйк. Аллаһы тәгаләнең  Коръәнендә  ата-аналарга дога кылырга әмер ителә:

    «Рабби-р ьхәмһүмәә кәмәә раббәйәәнии сагыираа», ягъни,  «И-и, Раббым, алар (ягъни әти-әни) мине кечкенә чагымда мәрхәмәт белән үстергән  кебек, Син дә аларга дөньяда һәм ахирәттә шәфкать кыл!» («Исра» сүрәсе,  24нче аять).

    Әйе, алар безгә дога кылган кебек, без  дә алар өчен һәрвакыт дога кылырга тырышыйк. Әти-әниләребез өчен, бу дөньяда  – бу дөнья яхшылыкларын, ахирәттә  ахирәт яхшылыкларын сорыйк. Әти-әниләребезне догабыздан бер дә калдырмыйк!   Югарыда китерелгән шушы доганы да ятлап, шул дога сүзләре белән дә Раббыбызга ялварыйк.

    БАРЛЫК НӘСИХӘТЛӘР...
Яндекс.Метрика