архивы по месяцам: Январь 2016

  • 0

Рубрика :Нәсихәт

«Аллаһы Тәгалә сезнең сурәтләрегезгә һәм малларыгызга түгел, бәлки күңелләрегез һәм гамәлләрегезгә карый».
📚Сахих Мөслим: 2 к, 290 б.
📝 Күңелне һәм гамәлләрне яхшыландырмаган мөддәттә сурәтләр никадәр төзек булсын, һәм маллар никадәр күп сарыф ителсен, Аллаһы Тәгалә бу нәрсәләргә рәхмәт каравы белән карамас һәм шул нәрсәләр бәрабәренә савап та бирмәс. Ул рәхмәт каравы белән карый һәм савап бирә торган нәрсәләр – төзек күңел һәм ихлас белән кылынган гамәлләр. Әгәр зәкятләр һәм садакалар тиешле урыннарга бирелсә һәм лязем гамәлләр, бигрәк тә, Ислам нигезләре булган биш төп фарыз гыйбадәтләр үтәлсә, ул вакытта сурәтләргә һәм малларга да Аллаһы Тәгалә рәхмәт күзе белән карар. Әгәр күңел төзек булмаса, тышкы сурәттә күп игътибар юк. Адәм балалары сурәт һәм кыяфәт белән бер-берсеннән күп аерылмыйлар.

😊


  • 0

Унтугызынчы дәрес: Гаиләдә давыл чыкса нишләргә?

✅ Хак булсаң да, юл куярга өйрән.

Ир белән хатын бер-берсен бик яратсалар да, холыклар төрле булу сәбәпле низаглар чыкмый тормый. Шуңа күрә, Аллаһ ризалыгы өчен мин-минеңне җиңеп, бер-береңә юл куя белү, бер-береңнең уй-фикерләрен хөрмәт итү парлар өстендә уртак бурыч булып тора.

«Тулырак»

  • 0

Рубрика :Нәсихәт

✅ Аллаһы Тәгалә әйтте: «Әй, иман китерүчеләр, мал-мөлкәтләрегез һәм балаларыгыз сезне Аллаһыны искә алудан ерагайтмасын. Кемнәр шулай эшләсәләр, алар хәсрәттә булырлар» («Мөнафыйклар» сүрәсе, 9).

Аллаһы Тәгалә кешегә дөньяның бер зиннәте итеп балалар һәм байлык бирә. Әмма, ул нигъмәтләргә бирелеп, аларны бирүче Аллаһыны онытудан кисәтә. Һәр кешедә балалар һәм байлыкка карата мәхәббәт бар, ләкин ул мәхәббәт Аллаһыга булган мәхәббәттән артса, кешегә зур хәсрәт китерә. Дөнья тормышының матурлыкларына алданып, ул матурлыкларны насыйп итүче Раббыны оныту зур гаделсезлек була.

😊Раббыбызны ешрак искә алыйк, хәерле тормышта булыйк.


  • 0

Кайгырма.

Рубрика :Вәгазьләр

 

Һәр төшенкелеккә бирелүчегә…

Һәр кайгы кичерүчегә…

Һәр фәкыйрьгә….

Һәр авыруга…

Һәр сыналучыга…

Кадерле туганым. Чын йөрәктән сиңа күркәм сүзләремне юллыйм. Бәлки Аллаһ синең кайгыңны җиңеләйтер, борчулы хисләреңне таратыр. Авырлыктан соң җиңеллек, җан азаларыннан соң юаныч, куркудан соң иминлек бирер. Ул Ишетүче һәм догаларга Җавап бирүче.

«Тулырак»

  • 0

Рубрика :Нәсихәт

📌 Пәйгамбәребез (صلى الله عليه وسلم): “Әгәр бер кешедән аның әшәкелеге сәбәпле башка кешеләр ерагайсалар, ул Аллаһ каршында(кыямәт көнендә) иң яман урынны алыр”, — диде (Бохари һәм Мөслим риваятьләре).

😊Холыкларыбыз күркәм, атналарыбыз хәерле булсын.


  • 0

 Унсигезенче дәрес:  Гаиләдә җил-давыллар чыкса нишләргә?

Гаилә дигәч, гадәттә кешеләр мәхәббәт, ярату хисләрен күз алларына китерәләр. Әмма, яши башлагач, гаиләдә бер-береңне ярату гына түгел, еш кына бер-береңә сабыр итәргә дә туры килә икән.

Ир белән хатын бер-берсен ничек кенә яратсалар да, ике йөрәк, ике холык кушылгач, кайвакыт каршылыклар тумый тормый. Шайтан да, дошман, ерак йөрми. Хәләл булган, нигезендә нык утырган гаиләләрне ул күрәлмый. Чөнки, андый гаиләдә изге мохит урнаша, тәрбияле балалар үсә. Шуңа күрә, шайтан хәләл гаилә бинасының нигезен какшатып, аны җимерү өчен әллә нинди мәкерлекләргә бара. Ир белән хатында булган зәгыйфь ишекләрне табып, шулар аша өйгә үтә.

«Тулырак»

  • 0

Горур атлый татар кызы…

Рубрика :Вәгазьләр

Һәркөн иртә белән, өеннән чыкканчы, ул, көзге янына килеп, үзенең, кыяфәтенә күз сала. Ләкин киеме соңгы көн модасына туры килә микән дип түгел, бәлки Аллаһы биргән зәвыклыгын чит күзләрдән яшерү нияте белән. Көннең эсселегенә карамый, ул озын күлмәген кия, башына яулыгын яба, чәчләрен җентекләп яшерә һәм урамга чыга… Без сезләр белән яшәгән, көн саен атлап йөргән урамга чыга… Ул кайда яши? Ул безнең белән яши. Ул кем? Ул гади мөселман хатыны. Кемнеңдер хәләле, әнисе, апасы яки сеңелесе… Ул нинди шәһәр? Ул безнең шәһәр…

«Тулырак»

  • 0

Рубрика :Нәсихәт

Пәйгамбәребез (صلى الله عليه وسلم): “Яхшы эшләрең сине шатландырса вә бозык эшләрең сине кайгыга салса, димәк, син иманлы кеше”, — диде (Имам Әхмәт риваяте).

«Аллаһы Тәгалә риза була торган эшләр өчен шатлану вә Ул сөйми торган нәрсәләр сәбәпле кайгыру вә үкенү, әлбәттә, иманлы булуның галәмәтедер. Чөнки иманы булмаган кеше каршында изгелек белән явызлык арасында күп аерма булмас. Иманлы кеше өчен үзенең явызлыклары өчен газаплануы вә изгелекләрен фикерләп үзенең киләчәге хакында өмете артуы вә бигрәк тә арттырырга тырышуы табигый эштер».
Риза Фәхретдин. «ҖәвамигульКәлим шәрехе».


  • 0

Нәрсә ул: гыйбадәт һәм ширек?

Рубрика :Вәгазьләр

Нәрсә ул гыйбадәт?

Гыйбадәтне бер сүз белән әйтсәк, аның мәгънәсе «коллык». Әгәр дә киңәйтебрәк әйтер булсак: «Гыйбадәт – кешенең эчендәге һәм тышындагы Аллаһы Тәгалә сөйгән һәм разый булган гамәлләр».

«Ә ничек соң без аның гыйбадәт икәнлеген белдек?» – дип сорар булсагыз, без аларны Аллаһның Коръәненә карап, укып, аңлап һәм Аның илчесе Мөхәммәд (с.г.в.с.) кылган һәм әмер иткән эшләренә, аның аңлатмаларына карап белдек, дип әйтәбез.

«Тулырак»

  • 0

Риядан сак бул!

Рубрика :Вәгазьләр

   “Ул көнне кешегә байлыгы да балалары да файда бирмәс. Мәгәр Аллаһка сәләмәт йөрәк белән килсә генә файда булыр.” (Шүгәрә сүрәсе 88-89 аятләр)

       “Тәндә бер әгъза бар.  Әгәр ул сәләмәт булса, бөтен тән сәләмәт була. Әгәр ул бозылса, бөтен тән бозыла. Ул әгъза – йөрәктер.” (Бухари риваяте)

Кадерле кардәшем. Аллаһның дошманы Иблис һәрвакыт нинди генә юл белән булса да, сине Раббыңа гыйбадәт кылудан, Раббыңны зикер итүдән, җәннәт юлы исламнан ерагайтырга тырыша. Ширк, көферлек һәм башка төрле фәхешлекләргә чакырып, мәңгелек хәсрәтле итмәкче була. Явыз шайтан сине изге гамәлләрдән ерагайта алмаса, ул синең изгелекләреңне рия белән бетерергә тырыша.  Рия, ул бик тә куркыныч авыру, чөнки беренчедән,  кеше аның белән авыруын сизмәскә дә мөмкин. Икенчедән,  ул кешенең кылган гамәлләрен юкка чыгара.

«Тулырак»

Яндекс.Метрика